அதிர்ச்சியூட்டும் "Call GAY Network"....! உஷார்!!!

சமீபத்தில் நான் எழுதிய “விலையில்லா இன்பம்...!” சிறுகதைக்காக ஒரு சின்ன கள ஆய்வு செய்தேன்.... பொதுவாக ஒரு கதை எழுதும் முன்பு அப்படி சில விஷயங்களை தெரிந்துகொண்டு எழுதுவது என் வழக்கம்.... அப்படி இந்த சிறுகதைக்காக நான் call gays பற்றி தெரிந்துகொள்ள சில முயற்சிகளை செய்தேன்... gigolo என்று சொல்லப்படும் call guys பற்றி நம் சமூகம் நிறைய விஷயங்களை அறிந்திருக்கும்.... ஆனால் அவர்களுள் உட்பிரிவான call gays பற்றி அவ்வளவாக பலர் அறிந்திருக்க மாட்டார்கள்... “கிணறு வெட்ட போய் பூதம் கிளம்பியது” என்று சொல்வார்கள், அப்படித்தான் கதைக்காக நான் தேடப்போன விஷயம் நிறைய அதிர்ச்சிகளை பதிலாக கொடுத்தது....

யாரையும் சார்ந்திடாமல், இணையம் வழியாக இங்கு வாடிக்கையாளர்களை கவரும் கால் பாய்ஸ்’கள் பற்றித்தான் நாம் அதிகம் அறிந்திருப்போம்.... பெரும்பாலும் அப்படித்தான் இருப்பார்கள்....

ஆனால் இங்கே இளைஞர்களின் இரவுகளை தீர்மானிப்பதில் மூன்றாம் நபர்கள் முக்கிய பங்கை ஆற்றுகிறார்கள் என்பதுதான் நான் அறிந்த அந்த  அதிர்ச்சி....  ஒரு நெட்வொர்க்’ஆக செயல்படும் இந்த பாதாள உலகம் பற்றித்தான் இப்போ நான் சொல்லப்போறேன்....

“கிராமப்புறத்து இளைஞன் ஒருவன் கல்லூரி படிப்பிற்காக சிங்கார சென்னைக்கு வருகிறான்... சில ஒருபால் ஈர்ப்பு தொடர்புகள் மூலம் “male escorts” தொடர்பான ஒரு நிறுவனத்தில் பகுதி நேர வேலையில் சேர்கிறான்... நகரின் முக்கிய பகுதியில் இருக்கும் ஒரு அடுக்குமாடி குடியிருப்பின் சகல வசதியும் பொருந்திய வீட்டில், இன்னும் சில இளைஞர்களோடு தங்கவைக்கப்படுகிறான்....

அவன் இரவுகள் யாருடன் கழிய வேண்டும் என்பதை அந்த நிறுவனத்தின் நிர்வாகி நிர்ணயிக்கிறான்.... மூன்று வேளையும் தரமான உணவு,  தினமும் பேட்டா, வரும் வாடிக்கையாளர்களை பொருத்து அன்றைய நாளைய ஊதியம்.... ஆரம்பத்தில் பணத்தை பார்த்ததும், சந்தோஷமாக அந்த வாழ்க்கையை கழிக்கிறான்.... சில நாட்கள் கழித்து, பணம் சலித்துப்போய் இயல்பு வாழ்க்கைக்கு திரும்ப நினைக்கிறான் அந்த இளைஞன்.... தன் விருப்பத்தை அந்த நிர்வாகியிடமும் தெரிவிக்கிறான்.... ஆனால், இனி அவனால் அந்த நிறுவனத்தை விட்டோ, அந்த தொழிலை விட்டு வெளியாக முடியாத அளவிற்கான மிரட்டல்கள் உருவாகிறது.... வேறு வழியின்றி, அடுத்தடுத்த இரவுகளை நெருப்பின் மீது படுத்து கழிக்கிறான் அந்த இளைஞன்.....” இதுதான் அந்த நெட்வொர்க்கின் மூலம் பெரும்பாலும் நடக்கின்ற நிகழ்வு.....

“உனக்கு என்ன தேவையோ, அதை நாங்க நிறைவேற்றுகிறோம்... ஆனால், எங்களை விட்டு நீ விலக முடியாது” இதுதான் எழுதப்படாத அந்த நிறுவனத்தின் கொள்கை விளக்கம்...

பெரும்பாலும் “male escorts wanted” விளம்பரங்கள் இத்தகைய  ஆபத்துகளை நோக்கித்தான் நம் இளைஞர்களை அழைத்து செல்கிறது.... அப்படிப்பட்ட நிறுவனங்களின் முக்கிய இலக்கே, பொறியியல் முடித்துவிட்டு வேலைக்காக சென்னையில் குடியேறும் இளைஞர்கள் தான்... ஆள் பார்க்க கொஞ்சம் அழகாக இருந்தால், அவனை அந்த நெட்வொர்க்கில் சேர்க்க பயங்கரமான மூளை சலவை செய்யப்படும்... அந்த நிறுவனத்தில் இணைந்தபிறகு, இன்னொரு ஆளை இணைத்தால் அதன் மூலம் தரகுத்தொகை, சேர்த்தவனுக்கு கொடுக்கப்படும்.... அதனால் அப்படி இளைஞர்களை சேர்க்கும் ஒரு தரகர் கூட்டத்தையே பல இடங்களிலும் காணமுடிகிறது...

அப்படிப்பட்ட ஒரு இடத்துக்கு சென்று “பணம் கொடுத்து இன்பம் அடைந்த” ஒரு நண்பரின் அனுபவத்தை அவர் வாயிலாகவே சொல்கிறேன்....

“நண்பர் மூலமா எனக்கு அந்த கால் பாய் காண்டாக்ட் நம்பர் கிடச்சுது..... போன் செஞ்சவுடன், அவங்க என்னைய ஒரு குறிப்பிட்ட இடத்துக்கு வந்து நிற்க சொன்னாங்க... நானும் போனேன், என்னோட ஆடை அடையாளங்களை கேட்டுவிட்டு ஐந்து நிமிடங்கள் எங்கோ நின்று என்னை கண்காணித்து இருக்கிறார்கள்.... பின்பு ஐந்து நிமிடம் கழித்து, ஒரு இருசக்கர வண்டியில் ஹெல்மட் அணிந்த ஆசாமி ஒருவர் என் அருகில் வந்து வண்டியை நிறுத்தி, என் பெயர் சொல்லி வண்டியில் ஏறுமாறு சொன்னார்..... நானும் ஏறினேன், சில பல வளைவுகளை தாண்டி நாங்கள் நின்ற இடம் என்னால் அடையாளம் காணமுடியாத ஒரு அடுக்குமாடி குடியிருப்பு.... அங்கு மூன்றாம் தளத்தில், ஒரு அழகான சொகுசு வீட்டிற்குள் நுழைந்தோம்... உள்ளே நான்கைந்து கல்லூரி மாணவர்கள் அமர்ந்திருந்தனர்.... அவர்களுள் ஒருவரை என்னை தேர்ந்தெடுக்க சொன்னார்கள்.... தேர்ந்தெடுத்த இளைஞனுடன் என்னை ஒரு தனி அறைக்குள் அழைத்து சென்றனர்.....

அந்த இளைஞனுடன் நான் இருந்த அந்த ஒரு மணி நேரத்தில், நான் நிறைய பேசிக்கொண்டே இருந்தேன்... அவனிடமிருந்து வந்தது ஒரே வார்த்தைதான்.... எல்லாம் முடிந்த பிறகு ‘நேரம் ஆச்சு சார்’ என்பதுதான் அந்த வார்த்தை.... அவன் நிறைய மிரட்டப்பட்டு இருக்கிறான் என்பதை மட்டும் என்னால் உணர முடிந்தது....”.

இப்படி இன்னும் எத்தனை அடுக்குமாடி குடியிருப்புகளில் எத்தனை எத்தனை நபர்கள் தங்கள் வாழ்வை தொலைத்து நிற்கிறார்களோ? தெரியவில்லை...... ஆனால், இப்படி “male escorts required” விளம்பரங்கள் மூலம் ஏமாந்து போனவர்களும் நிறைய உண்டு, அவர்களை பற்றியும் நான் இங்கு சொல்லி ஆகணும்..... சமீப காலங்களில் அப்படிப்பட்ட விளம்பரங்கள் நிறைய தளங்களிலும், நாளிதழ்களிலும் பார்க்க முடிகிறது.... அதை நம்பி அந்த நிறுவனத்தில் தங்களை இணைத்துக்கொண்டு சொகுசு வாழ்க்கை வாழ விரும்பும் ஆண்கள், அதில் முன்பணமாக கட்ட சொல்லப்பட்ட சில ஆயிரம் பணத்தை இழந்தோதோடு தப்பித்தவர்களும் நிறைய.... இப்படி ஏமாந்தவர்கள், இத்தகைய நபர்களிடம் ஏமாந்ததை வெளியில் சொல்லவும் முடியாமல், பணத்தை இழந்ததை எண்ணி வெளிப்படையாக வருத்தப்படவும் முடியாமலும் தவிப்பது நித்தமும் நிறைய நடக்கிறது..... சில நிறுவனங்கள் முன்பணம் வாங்குவதில்லை என்று விளம்பரம் கொடுப்பதுண்டு... அத்தகைய நிறுவனங்கள், இளைஞர்களை பயன்படுத்திக்கொண்டு பணம் கொடுக்காமல் ஏமாற்றுவதும் நடக்கிறது....

அடுத்ததாக இந்த இளைஞர்களை வலை விரிக்கும் “மசாஜ் பார்லர்கள்” பற்றி சொல்லியே ஆகவேண்டும்.... “male to male massage parlour” என்ற விளம்பரத்தை தாங்கி நிற்கும் பெரும்பாலான மசாஜ் பார்லர்கள், படுப்பதற்கு படுக்கை விரிப்புகளாகத்தான் செயல்படுகின்றன.... அங்கு வரும் வாடிக்கையாளர்களை விரல்களால் பதம் பார்த்து, படுக்கைக்கு அழைத்து செல்ல வேண்டும் என்பது அந்த கடைகளின் எழுதப்படாத விதி.... அதனால், உடலுக்கு மசாஜ் செய்வதாக சொல்லி, கிளர்ச்சியூட்டி அவர்களை வழிக்கு கொண்டு வர வைப்பதற்கு அவர்கள் பழக்கப்பட்டு இருப்பார்கள்...

இங்கும் பணத்துக்கு விலை போன இளைஞர்கள் நித்தமும் சீரழிந்து கொண்டு நிற்பதை காண முடிகிறது.....

தத்தமது ஊரை பொறுத்தவரையிலும், பெற்றோரை பொறுத்தவரையிலும் “எம்புள்ள மெட்ராஸ்’ல பெரிய கம்பெனில வேலை பாக்குறான்... கை நிறைய சம்பாதிக்கிறான்” என்று நம்பப்படுகிறது.... ஆனால், படித்த படிப்புகளை மறந்துவிட்டு படுத்தே சம்பாதிக்கும் கொடுமைதான் இங்கே நடக்கிறது....

ஒவ்வொரு நாளும் ;பணத்து ஆசையை காட்டி, இதைப்போன்ற எழமுடியாத படுகுழிகளுக்குள் விழுந்து கொண்டிருக்கும் இளைஞர்களின் எண்ணிக்கை நாளுக்கு நாள் அதிகரித்துக்கொண்டே இருக்கிறது.... அதே நேரத்தில் அப்படி சிக்கும் நபர்களின் மாத வருமானத்தை கேட்டால், பல ஐடி இளைஞர்களே தலை சுற்றி விழுந்துவிடுவார்கள்.... அந்த அளவுக்கு பணம் கொழிக்கும் தொழிலாக இது நடக்கிறது.... இதில் இளைஞர்களிடம் ரொட்டி துண்டுகளை போட்டு, கோடிகளை அள்ளும் முதலைகள் செவ்வனே சிறப்பான வாழ்வை வாழ்கிறார்கள்....

ஒருபால் ஈர்ப்பையே இன்னும் அங்கீகரிக்காத நம் நாட்டில், இப்படி ஒருபால் ஈர்ப்பு காரணத்தால் பாதிக்கப்படும் இளைஞர்களுக்கு நியாயம் கற்பிக்கும் வகையிலான சட்டம் மட்டும் இருக்கவா போகிறது?... இதைப்பற்றி நம் ஆட்சியாளர்கள் புரிந்துகொள்ளவே இன்னும் பல ஆண்டுகள் ஆகிடும், அதன்பின்னர்தான்  இதில் பாதிப்புக்கு இழப்பீடு பற்றி யோசிக்கவே தொடங்குவார்கள்.... அதுவரை, நம் நாட்டின் எதிர்கால தூண்கள், விரிசல் விழுந்த மொட்டை சுவர்களாவதை நாம் தலைகீழாக நின்றாலும் தவிர்க்க முடியாது.....